Vastelaovesposter 2022

Vastelaovend in Berg make veer same! Vanoet dees gedachte is de vastelaovesposter veur dit jaor ontsjtaon. Mit deze poster wille veer laote zeen det idderein, van jongk toet aad, de vastelaovend in Berg sjiek maak!

Laot ouch dit jaor de Vastelaovend in Berg laeve en hang deze prachtige poster veur uch raam!
‘T duit ós good om te zeen det veer door de jaore haer zoväöl sjieke, leuke en veural sjoon verkleijde miense op foto höbbe kinne vastligke.

Zuus doe dichzelf truuk?

Bewaeg mit de moes euver ongersjtaonde aafbeelding en bekiek foto’s ingezoomd!
Bekiekse dit op diene sjlumme tillefoon? Gebroek dan 2 vingers om in te zoome.

Door de grootte van de aafbeelding kin ’t get langer doere veurdet de poster gelaaje is en good te bekieke.