Prins Don I & Prinses Michelle

Leef Bergerluuj,

Ein-de-lijk is ut zowiet!  

Nao ruim 2,5 jaor de mond haaje moog iederein ’t weite en kinne veer ’t van de daake schreeuwe. Veer zeen ’t nuuje prinsepaar van CV de Berggeite!

Veer zulle os kort veurstelle en gaon dan snel wiejer mit geneete van deze sjoone tied.

Prins Don I, 34 jaor en de meiste luuj zulle mich kinne es veurmalig keeper (inmiddels speler van het 4e elftal) bij VV Sint Odilienberg/FC Roerdalen 1, één van de organisatoren van de Berger Mansluujzitting of als energieke leider bie Jong Nederland Sint Odilienberg. Uiteraard bun ich auch ein fervent vasteloavendjsvierder waat mich vreuger mit de paplaepel is ingegaote door pap en mam.

Prinses Michelle, 25 jaor, ein richtig Berger Maedje en viert al vastelaovend vanaaf kleinsaaf aan. Mich kint ger van Jong Nederland of geweun van oet ’t durp!

Dit seizoen zulle veer waere biegestaon door os adjudanten Yoeri, Danique, Sterre en Jeroen.

Veer kieke d’r nao oet om er samen mit alle Berggeite en Berggeitjes eine sjoone vastelaovendstied van te make en veer haope det veul luuj mit os mit viere!

Veer regeere mit osse spreuk: “Veer wachte neet op later”!

Alaaf!