COVID 19 UPDATE

Net wie de zomer of wintjer is de Vastelaovend ouch ein belangriek seizoen, waat neet zomèr veurbie geit.
Zo gaer wie sommige de kersboum optuuge, zitte veer es Roerdaler vereniginge ozze sjteek op. ‘t Geveul om same te viere, same te genete en same te belaeve is de krach die ós Vastelaovesgekke oet de Roerstreek drief. Zo wie geer det van ós gewend zeent, doon veer det mit eine gekke sjlaag, väöl sjaele zeiver, mer baovenal mit ein groot respec en verantjwaordelikheid nao elkaar toe.

COVID-19 of neet, dees waarde blieve ten alle tieje geljig. Vastelaovend zal dus altied blieve laeve!Ein sjoon tradisie, die nooit verlaore moog gaon. En zeker neet es ’t aan ós ligk. Dao make veer ós same sjterk veur. Det wilt neet zigke det veer ós kinne vrieware vanne huidige wet- en regelgaeving. Veer höbbe derhalve same beslaote det idder vereniging nao de meugelikhede kiek binne eige dörp om de Vastelaovend in te vulle binne de geldende wettelikke kaders.

Veer blieve natuurlik in euverligk mit elkaar, de gemeinte en de Veiligheidsregio en zalle uch blieve informere euver de ontwikkelinge.

Met vruntjelikke vastelaovesgroet,

CV de Berggeite, Sint Odiliënberg
C.V. de Beerbök, Vlorp
C.V. D’n Doal, Hirkebosj
KV de Markoef, Melick
CV De Biemösje, Postert
KV d’n Uul van den Grauwert, Mofert