Berggeit ein jaor op sjtal!

Zo wie veer al mit uch gedeild höbbe, kinne helaas ein groot deil van òs activiteite dit sezoen neet doorgaon. Òs jaorlikse traditie wo-biej òzze Prins de Berggeit ophaolt in de Geitesjtal en euverbringk nao de nuuje Geitesjtal veur det sezoen, veel dus ouch in ’t water.

Om de Geitesjtal biej Le Carrefour toch aaf te sjloete en daobiej Lars, Laura en ’t personeel hertelik te bedanke veur ein sjoon sezoen, zeen Vors Jaimy en Prins Ruud II de Geit aafgeloupe waek gaon ophaole. Via deze waeg wille veer Lars en Laura nogmaals bedanke veur ’t sjoon en fijn sezoen mit alle gezellige uurkes die veer biej Le Carrefour höbbe moge doorbringe.

De Geit geit noe tiedes de Advent in wintersjlaop en zal daonao op sjtal blieve toetdet ’t weer meugelijk is om biejein te komme in òzze Geitesjtal. Haaj òs social media kanale in de gate veur ’t lètste nuujts!