Prins Tim I & Prinses Claudine

Veer zeen Tim en Claudine Wolfhagen woonende aan de
Reutjesweg in Berg. Trotse elders van aad jeugdprins Daan en de nuuje jeugdprinses Imke.

Ich bön gebaore in Sjwaame op 2 april 1979 es aajste zoon van Jack en Janny Wolfhagen. Groot gewaore bön ich op ’t Maalbrook op sjteinworp aafstand van Aserao.
Ut vastelaoves laeve is mich van toes oet mit de paplaepel ingegaeve. Op 15 jaorige laeftied bön ich den aug lid gewaore van JVV de Zölderratte oet Aserao. Hiej bön ich 1999
jeugdprins gewaes. In 2005 bön ich in Berg komme woone ich
kwaam toen al geruume tied in ut dörp. In 2007 bön ich Claudine taege gekomme wo ich 2 jaor later mit getrouwd bön.

In 2011 kwoom Daan ôs gezin versterke en in 2013 Imke. Dit dynamische duo zorgt veur genog aafwisseling in ôs laeve. In
ut dageliks laeve bön ich kospriesdeskundige biej Unica in
Vinlo. In miene vrieje tied bön ich centefoekser biej de sjotterie en doon ich gaer klommele rondjom ôs huiske. Verder bön
ich lid van Beugelvereniging ’t Braetje en opbouwpapa biej
Jong Nederland.

Claudine is gebaore in Remunj op Hirkebosjer kirmis vriedig
1 juli 1977 en groot gewaore in Hirkebosj es ein ech Hirkibosjer maedje. In Hirkebosj bun ich nao de basisjool gegaon en daonao nao Remunj nao de LEAO.
Vervolgens nao de Gilde opleidingen veur de verzorgende opleiding en later nao Eindhoven veur de verpleegster en verpleegkundige opleiding. Ich wirk noe es verpleegkundige bie de Zorggroep in Bergh, lekker dich bie hoes. Verder bon ich auch nog veurzitter van de jeugdraod en beide zeen bie de
vrunje groep de F1 vrunj.

Allebei zeen ver neet getaoge en gebaore in Berg. Maar inmiddels al gemiddeld 20 jaor inwoner van dit sjoone dörpke
aan de Roer. Tim is inmiddels al 2×11 jaor geuniformeerd lid
van de Berggeite en Claudine is de 1×11 jäör aug al gepaseerd.

Same mit ôs adjudante Melanie, Erwin, Marco, Jeroen en
Robert gaon veer der ein sjoon seizoen van make. Veer gaon
De Berggeite dit jaor veur mit de spreuk:

Veer sjeete ôs de vastelaovend door.