8 Fibberwari · Berg Oppe Bühne

Leef Luuj,

8 fibberwari is ut weer zo wiet, Berg Oppe Bühne!

Veurig jaor hadde veer os 2×11 jubileum en tevens hubbe veer toen auch kinbaar gemaakt det veer plaats make veur ein nuuj generatie (de 3de alweer!).

Os opvolgers staon te trappele om uch weer un ganse aovend te vermake mit al ut sjieks aan sketch en muziek det Berg te beeje haed.

Maar det kin natuurlijk neet zonger uch, wilt geer get sjieks veurdrage, zinge of laote heure den kint geer uch nog altied aanmelde via de Facebook van Berg oppe Bühne, via bergoppebuhne@gmail.com of biej eine van os.

Wilt geer uch geweun onger ut genot van un drenkske komme amusere dan kin det natuurlijk auch.

Veer zeen uch in eder geval gaer op zaoterdig 8 fibberwari biej Le Carrefour Preuf & Proost. Veer starte omstreeks 20u.

Leefs (Auch names os opvolgers),

Britney, Olivia en Bo