Proclemasie

Veer PRINS RUUD II,

Gebaore in de Vastelaovestied op 26 janewarie 1989
es aadste zoon van Monique van Mart vanne zaal en Wiel van de Maos oet Lin,
lid van Vasteloavesvereniging de Berggeite,
Seremoniemeister bie de boerebroelof,
lid en aad keuning van sjötterie Prins Hendrik,
besjtuurslid van de Midde Limburgse sjöttersbondj,
kampsjtaff bie Jong Nederland,
lid van fanfaar Sint Wiro oet Träötje,
kootsj bie dames I en here rekrejante van Ludentes,
lid van bacchus vrunj berg

trotse vriewilliger bie Rock am Roer, ’t Bergerboetefestijn en ‘t Berger Dörpsfees en iddere daag hel wirkend bie Hansen Dranken in Linn

Laote uch hiebie wete det veer de Vastelaovend gaon regere euver ’t Berggeiteriek ónger ’t oetrope van de proklamasie bie de grasie van de scepter van de Berggeite!

Ten eerste
Det Fox “geheit geit” en geheit gegange haet!

Ten tweede
Det ‘t mit eine ome es Aad Prins, ein zus es jeugprinses, mam es erelid en ein deil muzikantem in de femilie de vastelaovend waal good zit !

Ten derde
Det veer dit jaor get meer oppe veurgrondj zólle traeje, volgend jaor weer achter de sjerme!

Ten veerde
Det veer mit die daag gein vate zólle sjleipe maar mit gaon helpe die laeg te kriege!

Ten viefde
Det veer dees daag ins aaf en toe ein knipuigske gaeve aan os sjterre dao baove!

Ten zèsde
Det dames 1 en de here rekrejante van Ludentes ‘t ein seizoen zónger ós zólle  mótte doon! Maar det zal die bés gaon lukke.

Ten zevende
Det veer 2 seisoene geleje keuning van de Sjöt zeen gewaes en dit jaor es Keuning carneval in Berg veur zólle gaon!

Ten achste
Det veer mit die daag d’r neet allein veur zólle sjtaon en veer noe al ós perseunlikke PA- en backstage-team en wille bedanke!

Ten negende
Det de meiste druime bedrog zeen, maar deze zeker neet

Ten teende
Det  veer alle bewoners van de Sophia de Pollartsjtraot, Willem van Baerlesjtraot en de Schepen Heijligerssjtraot van herte welkom heite in òs Berggeiteriek

Ten èllefde
Det veer mit idderein, alle Berggeite groot en klein eine ongeluifelik sjone Vastelaovend wille viere. Same gaon v’r d’r get sjieks van make!

Toet besjloet gaon veer deze Vastelaovend regere mit de sjpreuk:

Volg diene druim, dae wét de waeg!

Reacties kunnen niet achtergelaten worden op dit moment.