Prins Ralf I & Prinses Maud

Leef Bergerluuj,

Eindelijk moog idderein ut weite, veer zeen ut nuuje prinsepaar van C.V. de Berggeite!

Gaer sjtelle veer os aan uch veur.

Prins Ralf I (Steuns) 42 jaor, de meiste luuj zulle mich kinne es jong van ut dörp, A sjötter biej sjötterie Prins Hendrik (aad centefoekser en de letste paar jaor es veurzitter), verder bön ich auch de presentator van ut Berger Boete festijn op 11-11. In het dagelijks laeve werk ich biej Wijnkoperij Storms in Heytse. Ich bön unne echte vastelaovesvierder en moog mich dan auch al aad adjudant en aad bachus numme.

Prinses Maud (Mooren) 38 jaor, ein richtig Berger maedje det es klein maedje al mit ging mit de Boeze Boys, lid van de jeugdraod gewaes en zelf ein aantal jaor es Tanzmarietje biej C.V. de Berggeite. Jaorelang bön ich lid gewaes van Jong Nederland en bön zelf ein aantal jaor leiding gewaes. Auch ich bön lid van de sjötterie en op zaoterdig bun ich coach van het hockeyteam van de aaijste zoon. Sinds aafgelaope jaor wirk ich als teamleider facilitair in het ziekehoes van Remunj.

Same zeen veer auch ein bekind gezicht van vrunje groep de F1-vrunj wo det veer jaore fanatiek karnavalswages mit höbbe gebouwt en noe nog sjteeds mit laupe in de Optoch es groep. Veer zeen trotse aaijes van twee prachtige zonen, Julian van 8 en Thijn van 6. 

Dit seizoen zulle veer waere biegesjtaon door ós beste vrunj als adjudanten: Roy van de Laar, Lars Engels en Rick Tinnemans.

Mit vastelaovend same geneete ut belangriekste is en det we same mit ut jeugdprinsepaar, alle Berggeite en auch neet Berggeite d’r ein groot festijn van gaon make!

Veer zulle dan auch regere mit de sjpreuk: “Ein groot festijn, idderein biej-ein!”

ALAAF!