Òs Letste Facebook Nuujts

1 day ago

Nog eine keer gaas gaeve mit Prins Geert-Jan van Helden en Prinses Jolijn Van Helden - van Herten. #nachvdprins

1 day ago

Post 7: Vanaovend is de letste nach van Prins Geert-Jan en Prinses Jolijn en waert de Geitesjtal euvergedrage van Café Smeets nao Café Le Carrefour, Preuf en Proost. Ich wil eederein, en in ut biejzunjer Prins Geert-Jan, Prinses Jolijn en de adjudanten, eine sjoone aovend winse. Mesjien det ich zelf al effe kom kieke nao de geitesjtal wo ich komment seizoen mien daag moog goan aafsjloete.

En ich sjloet aaf mit miene spreuk:…. (dae heurt geer morge pas😉)

De nuuje

2 days ago

Post 6: de prins haet gooje waterdragers geregeld, zodet nemes dors hoof te lieje.

De nuje veurgenger van de Berggeite?

Zeet geer net zo benuujd es ós?

Kom dan zaoterdig 17 november kieke nao ’t hoogtepuntj van ’t jaor, veur de Aad Prinse. Zie kriege d’r dan namelik ein nuuj lid bie es Geert-Jan I aaftreujt.
D’r zal bés ein träönke waere gelaote.

Maar daonao………. Achter ’t gerdien……… Dao sjteit d’r klaor……… Tromgeroffel……… En dao is d’r dan: De Prins van 2019!

Sjpannend!!!!!

Nao lang te höbbe mótte zjwiege, moog de nuje Prins van de Berggeite eindelik ziene septer euver ’t Berggeiteriek laote zjweije en ós veurgaon in de Vastelaovend.

Kom kieke vanaaf 20:11 oer in de Hermeniezaal.

Toet de 17e!

Äöpening van de Vastelaovend!

’t Viefde seizoen sjteit weer veur de deur. ’t Fees van de Narre kint gaon beginne.
Nao de 11e van de 11e gaon veer ’t wiekend d’r nao drek door mit ’t boewe van ein feesje.

Dao wille veer idderein gaer veur oetneuje.

Kom allemaol vriedig 16 november nao “De Nach van de Prins”. De létste aovend van ós geweldig Prinsepaar 2018 Geert-Jan I mit zien Jolijn.

Vanaaf 20:11 oer geit ’t sjpeel beginne in de aje Geitesjtal (kefee Smeets). De aovend waert gevuld mit diverse optraejes.
Nao ’t plekke van ’t konfettie-tegelke, van bienao Aad Prins Geert-Jan I,  bie “De Geit”, zólle v’r de Geitesjtal euverdrage nao kefee Le Carrefour Preuf en Proos!

V’r zeen ós gaer de 16e november.